RSR NEWS
Editor: Chintapalli Srinivasarao 9949291526
వేసవిని దృష్టిలో ఉంచుకుని త్రాగునీటి ఎద్దడి నివారణపై సమీక్ష
ముందస్తు ప్రణాళికతో గ్రామీణ ప్రజలకు నిరంతర నీటి సరఫరా – జడ్పీ చైర్పర్సన్ ఘంటా పద్మశ్రీ ప్రసాద్
ఏలూరు, (తేదీ):
రాబోయే వేసవి కాలాన్ని దృష్టిలో ఉంచుకుని ఏలూరు జిల్లా పరిసర గ్రామాలలో త్రాగునీటి ఎద్దడి తలెత్తకుండా ముందస్తు చర్యలు చేపట్టాలని ఉమ్మడి పశ్చిమగోదావరి జిల్లా పరిషత్ చైర్పర్సన్ ఘంటా పద్మశ్రీ ప్రసాద్ అధికారులకు స్పష్టమైన ఆదేశాలు జారీ చేశారు.
ఈ రోజు జిల్లా పరిషత్ చైర్పర్సన్ క్యాంపు కార్యాలయంలో గ్రామీణ త్రాగునీటి సరఫరా ఆర్ (డబ్ల్యు ఎస్ ) విభాగానికి చెందిన సూపరింటెండింగ్ ఇంజనీర్ (ఎస్ ఈ)తో పాటు సంబంధిత అధికారులతో సమీక్ష సమావేశం నిర్వహించారు. ఈ సందర్భంగా జిల్లాలోని గ్రామీణ ప్రజలకు నిరంతర, సురక్షిత త్రాగునీటి సరఫరా కల్పించేందుకు చేపడుతున్న చర్యలపై అధికారులను చైర్పర్సన్ వివరంగా అడిగి తెలుసుకున్నారు.
ప్రధానంగా గ్రామాలలో ఉన్న త్రాగునీటి చెరువుల పరిరక్షణ, నీటి నిల్వ సామర్థ్యాన్ని పెంచే చర్యలు, అవసరమైన చోట్ల డీసిల్టింగ్, నీటి శుద్ధి ప్రక్రియలు, బోర్లు మరియు పంపింగ్ వ్యవస్థల నిర్వహణ వంటి అంశాలపై విస్తృతంగా చర్చ జరిగింది. వేసవిలో నీటి అవసరం అధికంగా పెరిగే అవకాశాన్ని దృష్టిలో ఉంచుకుని, ఎలాంటి అవాంతరాలు తలెత్తకుండా ముందస్తు ప్రణాళికతో పనిచేయాలని అధికారులకు సూచించారు.
గ్రామీణ ప్రజలకు ఇబ్బందులు కలగకుండా అన్ని ఏర్పాట్లు సమయానికి పూర్తి చేయాలని, అవసరమైతే అదనపు వనరులు, ట్యాంకర్ల ద్వారా నీటి సరఫరా వంటి ప్రత్యామ్నాయ ఏర్పాట్లను కూడా సిద్ధంగా ఉంచాలని( ఆర్ డబ్ల్యు ఎస్) అధికారులను ఆదేశించారు. త్రాగునీటి సరఫరాలో ఎక్కడా నిర్లక్ష్యం ఉండకూడదని, ప్రతి గ్రామం ప్రత్యేకంగా పర్యవేక్షణలో ఉండాలని స్పష్టం చేశారు.
గ్రామీణ ప్రజల జీవన ప్రమాణాలను మెరుగుపరచడమే జిల్లా పరిషత్ లక్ష్యమని, ముఖ్యంగా త్రాగునీటి వంటి మౌలిక అవసరాల విషయంలో ఎలాంటి రాజీ ఉండదని చైర్పర్సన్ ఘంటా పద్మశ్రీ ప్రసాద్ ఈ సందర్భంగా స్పష్టంగా పేర్కొన్నారు. జిల్లా పరిషత్ స్థాయిలో నిరంతర పర్యవేక్షణ కొనసాగుతుందని తెలిపారు.
ఈ సమావేశంలో సంబంధిత ( ఆర్ డబ్ల్యు ఎస్ ) విభాగానికి, సిబ్బంది పాల్గొన్నారు.
