అమరావతి రాజధాని ప్రాంతంలోని ఉండవల్లి సమీపం ఉద్దండరాయనపాలెం గ్రామంలో, అమరావతి అంబాసిడర్ మరియు వైద్య విద్యార్థిని అంబుల వైష్ణవి తండ్రి డాక్టర్ అంబుల మనోజ్ ఆధ్వర్యంలో రైతులకు గౌరవార్పణగా పాదపూజ మరియు సన్మాన కార్యక్రమం ఘనంగా నిర్వహించబడింది

 అమరావతి రైతుల పాదపూజ – గౌరవ సన్మాన కార్యక్రమం

 

ఏలూరు   ""RSR""srinivas"""న్యూస్  ప్రతినిధి ::

అమరావతి రైతుల పాదపూజ – గౌరవ సన్మాన కార్యక్రమం

అమరావతి రాజధాని ప్రాంతంలోని ఉండవల్లి సమీపం  ఉద్దండరాయనపాలెం గ్రామంలో, అమరావతి అంబాసిడర్ మరియు వైద్య విద్యార్థిని అంబుల వైష్ణవి తండ్రి డాక్టర్ అంబుల మనోజ్ ఆధ్వర్యంలో రైతులకు గౌరవార్పణగా పాదపూజ మరియు సన్మాన కార్యక్రమం ఘనంగా నిర్వహించబడింది.

అమరావతి అంబాసిడర్ అంబుల వైష్ణవి తన విద్యాభ్యాసంలో నిమగ్నమై ఉండటంతో, అంబుల వైష్ణవి  తరఫున ఈ కార్యక్రమాన్ని తండ్రి డాక్టర్ అంబుల మనోజ్ సమర్థంగా నిర్వహించారు.

ఈ కార్యక్రమంలో మొత్తం 25 మంది రైతులు మరియు 5 మంది గ్రీన్ అంబాసిడర్లకు పాదపూజ నిర్వహించి, వారి త్యాగం, కష్టపడి పనిచేసే తత్వం, సమాజానికి అందిస్తున్న అమూల్య సేవలకు గౌరవం తెలియజేశారు.

ఈ సందర్భంగా కార్యక్రమ నిర్వాహకులు మాట్లాడుతూ, అమరావతి రాజధాని నిర్మాణం కోసం రైతులు తమ అమూల్యమైన భూములను స్వచ్ఛందంగా ఇచ్చి రాష్ట్ర అభివృద్ధికి మార్గదర్శకులయ్యారని కొనియాడారు.

రైతు అంటే కేవలం పంటలు పండించే వ్యక్తి మాత్రమే కాదు, భవిష్యత్తును నిర్మించే మహా శిల్పి అని అభివర్ణించారు.

అలాగే గ్రీన్ అంబాసిడర్లు పర్యావరణ పరిరక్షణలో చేస్తున్న కృషిని ప్రశంసిస్తూ, వారి సేవలు సమాజానికి ఎంతో అవసరమని పేర్కొన్నారు.

“రైతు చెమట చిందితేనే దేశం భవిష్యత్తు పుష్టిగా నిలుస్తుంది.”

“అమరావతి రైతుల త్యాగం రాబోయే తరాలకు బంగారు బాట.”

“భూమి ఇచ్చిన రైతు… భవిష్యత్తు ఇచ్చిన మహానుభావుడు.”

“రైతు ఉన్నాడు కాబట్టి దేశం ఉంది… రైతు సంతోషమే నిజమైన అభివృద్ధి.”

“అమరావతి రాజధాని రైతులు – త్యాగానికి ప్రతిరూపం, అభివృద్ధికి మార్గదర్శకం.”

ఈ కార్యక్రమం భక్తి, గౌరవం, కృతజ్ఞతల సమ్మేళనంగా కొనసాగి, రైతుల పట్ల ఉన్న మనస్ఫూర్తి ప్రేమను మరింత బలపరిచింది.

“రైతు చిరునవ్వే… రాష్ట్ర అభివృద్ధికి అసలైన చిరునవ్వు” అంటూ కార్యక్రమం విజయవంతంగా ముగిసింది...